Suliffeqarfiit silaannarsuarmik kissatsitsisartunik mingutsitsinerat
2012-mi angerlarsimaffiit nukimmik atuinerannit silaannarsuarmik kissatsitsisartumik mingutsitsinerat mingutsitsinerup tamarmiusup 21 procenteraa. Suliffeqarfiit mingutsitsinerup 79 procenteralugu, takuuk titartagaq 3.1.
Titartagaq 3.1. silaannarsuarmik kissatsitsisartumik suliffeqarfiit aamma angerlarsimaffiit mingutserinerat
Najoqqutaq: Naatsorsueqqissaartarfik
Nunalerineq, aalisarneq il.il. silaannarmik kissatsitsisartumik mingutserineq mingutserinerup tamarmiup 23 procenterivaa. Tassani mingutserineq aalisariutinit annerpaamik pisuuvoq.
2012-mi nukimmik imermillu pilersuineq mingutsitsinerup tamarmiusup 19 procentianik mingutsitsisimavoq. Nukimmik imermillu pilersuineq innaallagiamik avataaniillu kissamik pilersuinerulluni.
Assartuineq angallassinerlu mingutsitsinerup tamarmiusup 16 procentianik mingutsitsisimavoq. Suliffeqarfiit suliffeqarfinnik inunnillu kiffartuussisartut tamarmik tassani pineqarput. Tassunga ilaanngillat suliffeqarfiit inuillu namminneq pigisaminnik biilinik usisaatilinnik nalinginnaasunillu assartuutillit.